Орто бөлөххө сылы түмүктүүр аһаҕас музыкальнай дьарыктаныы
Тема: « Музыка дойдутугар айан»
Сыала: Соһуччу түгэннэри туһанан оҕолор интэриэстэрин тардыы. Истэр дьоҕурдарын салгыы сайыннарыы. Тыл саппааһын байытыы. Ырыалары доргуччу, өрө көтөҕүллүүлээхтик ыллыыларын ситиһии. Ритмическэй хамсаныылары имигэстик, нарыннык оҥороллоругар болҕомто. Дьарыктан дуоһуйууну ылалларын ситиһии.
Музыка Феята арай ытыы олорор: Бүгүн оҕолору музыка дойдутугар илдьэ барыахтаах этим, ону Дьэгэ бааба кэлэн музыканы суох оҥордо(ытыыр), биир да музыкальнай инструмены хаалларбатах, барытын кистээн кэбиспит.
Оҕолоор, билигин биһиги баран керүөххэ сөп. Иннэ диэппин кытта Дьэгэ бааба ааһан иһэн улахан баайытык күлэ-күлэ саҥарар:
Оҕолор залга киирэллэр. Ыскаабы көрбүттэрэ биир да музыкальнай инмструменнар суохтар. Оҕолортон ыйытабын.(Оҕолор эппиэттэрэ)
-Оҕолоор, оччоҕо хайыыбытый, музыката суох хайдах буолабыт? (Оҕолор эппиэттэрэ) Мин музыката суох сатаммаппын. Бу манна музыкальнай бэлиэлэр, ноталар бааллар этэ. Барытын ыһан кэбиспит. Мин куолаһым сүтэн эрэр. Миэхэ көмөлөһүҥ эрэ. Оҕолорго карточкалары түҥэтэбин. Платьем юбкатын тэлибирэтэбин , оччоҕо инструмент тыаһа иһиллэн кэлэр.
-Уой, туох тыаһаата ити? (Треугольник ) Оҕолор таайан этэллэр.
Кимиэхэ Үс муннук ойуута баарый, көрдөрүҥ эрэ! ( Инструмент ойуутун көрдөрөр). Ол курдук хомус, бубен, барабан, металлофон, маракас, колокольчик тыаһыыллар. Ойууларын көрдөрөн иһэллэр.
Ырыа «Тарбахчаан оҕолор»
-Оҕолоор, биһиги тарбахчааннарбыт инструменнарга сатаан оонньууллар да? Билигин оркестр буолан бары оонньуохпут.
Инструменнарга оонньооһун «Полька»
-Оҕолоор, билигин дьыл ханнык кэмэй? (Саас)
-Саас күн хайдах тыгарый? Таһырдьа хайдаҕый? (Сылаас, күн хаары уулларар....)
Экраҥҥа күн көстөр, хомойбут куоластаах саҥарар: - Үтүө күнүнэн оҕолоор!
Мин наһаа хомойдум. Дьэгэ бааба кэлэн кыыһыран, хаһыытаан барда. Ол иһин мин сардаҥаларым түһэн аҕыйаан хааллылар.
-Оҕолоор, Күн хомойон сардаҥалара хайдах буолбуттарый? (Түһэн хаалбыттар)
Күнү үөрэрин баҕараҕыт да? Оччо5о ырыа ыллыахха!
Экраны көрөбүт. Күҥҥэ биир эрэ сардаҥата эбиллибит. Ол аата Күммүт үөрэ илик эбит. О5олоор, музыкальнай айымньылары ким суруйарый. (Композитор) Эһиги истэн баран сөпкө этээриҥ.
«Вальс цветов», «Танец маленьких лебедей », « Полет шмеля», «Клоуны»
Экраны көрөбүт. Күҥҥэ өссө биир сардаҥа эбиллибит. Күммүт үөрбэт. Ол иһин бары үҥкүүлүөххэйиҥ.
Экраны көрөбүт. Күҥҥэ өссө икки сардаҥа эбиллибит. Күммүт үөрбүт.
-Оҕолоор, Күҥҥэ ырыата ыллаан иһитиннэриэххэ эрэ!
Ырыа «Саас»
«Музыкалаах уонна музыката суох тыастар »диэн оонньуу оонньуохпут. Биһиги араас элбэх тыастары, дорҕооннору истэбит. Музыкальнай тыастаах тылы иһиттэххитинэ -ытыскытын таһынаҕыт , онтон музыката суох тыллары иьиттэххитинэ атаххытынан тоҥсуйаарыҥ.
«Музыкалаах уонна музыката суох тыастар » -оонньуу.
Массыына, чыычаах , тыал, пианино, хомус, барабан, телефон, металлофон
-Оҕолоор, Күн утуйа бардаҕына киэһэ халлаан хайдах буоларый? (Хараҥарар). Түүн аны быраата тахсар. Ый.
Улахан тыас иһиллэр. Космостан көтөр тэриэлкэ кэлэн түспүт. Онтон Лунтик үөрэн көтөн киирэр. Оҕолордуун дорооболоһор.
Лунтик: Үтүө күнүнэн оҕолоор! Көтөн иһэммин эһигини көрөн тохтоотум. Миигин кытта үҥкүүлүөххүтүн баҕараҕыт да?
Лунтиктыын Үҥкүү
Оҕолор наһаа үөрдүм эһигини кытта үҥкүүлээн. Мин эһиэхэ кэһиибиттэн бэрсиэм. ( Оҕолорго хампыаттары биэртэлиир). Уонна покалаһан баран тахсан барар.
Дьэгэ бааба кистээбит инструменнара көстөн кэлэллэр.
.