МБДОУ «Ципьинский детский сад комбинированного вида»
Сценарий обрядового праздника
«Выль жук»
(на удмуртском языке)
Воспитатель:
Журавлева Марина Николаевна
2023
Азьмугез: нылпиосты вашкала удмурт сям-йылолъёсын тодматон.
Пуктэм ужпумъёс:
Дышетон: нылпиослэсь бакча сиён сярысь тодон валанзэс муромытоно; кылтирлыксэс узырмытоно.
Азинтон: пиналъёслэсь валанлыксэс, саклыксэс юнматоно, чошен шудыны быгатонлыксэс азинтоно.
Визьнодан: нылпиослы калыкмылэн сям-йылолъёсыныз, вашкала улонэн тунсыкъяськон мылкыд пычатоно.
Азьвыл нуэм уж: бакча сиён нимъёсты, ю нянь нимъёсты дышетимы, удмурт кылын кылбуръёсты лыдзимы, удмурт кылын кырзанъёсты дышетимы.
Ужэ кутэм арбериос: вашкала арбериосын пуктылэм-дасям сэрег (зус, жок, гур), тэркыосын бакча сиёнъёс но пораськемъёс, котькуд пиналлы крезьгур арбериос (пулэсь пуньыос, пичи гырлыос, шулан гумыос, металлофон).
Ужрадлэн мынэмез.
(Заллэн одиг сэргаз корка пуш возьматэмын. Жок котыр берга Матрон кенак. Осэ йыгаськыса залэ пыро нылъёс но пиос .Матрон кенак кырзаса пумита нылъёсты.)
Матрон кенак(кырза). Кинъёс, кинъёс, кинъёс, кинъёс лыктиллям?
Нылъёс (кырзало). Удмурт нылъёс, удмурт нылъёс лыктиллям.
(Осэ йыгаськыса залэ пыро пиос. Матрон кенак кырзаса пумита пиосты.)
Матрон кенак (кырза). Кинъёс, кинъёс, кинъёс, кинъёс лыктиллям?
Пиос (кырзало). Удмурт пиос, удмурт пиос лыктиллям.
Матрон кенак.
Пыре, пыре, пиналъёс,
Тани дась ни пуконъёс,
Пуксе татчы, шутэтске,
Гур дорамы шунтиське.
Визьнодась:Зечбуресь, Матрон кенак. Туж бадзым тау милемды куное отемед понна. Ми пиналъёсын шум потыса вуимы, тани бакча сиенъёсты октимы.
Нылпиос:Матрон кенак, ми тыныд юрттыны лыктимы.
Матрон кенак:ойдолэ кошкомы бусые.
Нылпиос:ойдолэ
Кырзан «Ми чабеез кизимы»
Матрон кенак.Тау, тау, гыдыкъёсы, юрттэмды понна. Мон но пунэмен уг кыльы – тиледыз али куноято. Туннэ нунал сиземын выль будэм бакча емышъёслы, ю няньлы. Вашкала удмуртъёс та нуналэз «Выль жук» нунал шуыса нималлям. Та нуналэ сиён-юон порало вылэм выль будэм бакча емышъёслэсь, пыжо зег нянь, позьто йыды кеньырлэсь жук но сезьы кисаль.
Ти шулдырьяське.
«Парен шудон»
Матрон кенак жок куспе оте.
Матрон кенак:жукмы ческыта? Котды тыриза?
Нылпиос: ческыт,котмы тыриз,тау тиледлы Матрон кенак.
Визьнодась. Матрон кенак, ми буш киын ом лыктэ, тыныд кузьым ваим. Ойдолэ кузьымез кузьмалом.
Кырзан «Вань мынам бакчае»
Матрон кенак: Зечокъёс! Бадзым тау тиледлы.
Визьнодась:Нылпиос,ойдолэ Матрон кенакез эктытыса басьтом али??
(Матрон кенак нылъесын эктэ апай сямен эктонэз.)
Визьнодась.Ойдолэ асьмеос куноосыз но эктытом.
(куноосын эктон)
Матрон кенак:ойдолэ зыгытъесыз но эктытыса басьтом али.
(пиос агай сямен экто)
Нылпиос кылбур верало.
Матрон кенак кузьым кузьма
Визьнодась.Ом но шодылэ, жытмы пумаз вуиз. Тау, Матрон кенак, Зеч луэ!
Матрон кенак:Тау тиледлы, пиналъёс! Зеч луэ! Вылысь пумыськытозь!
Ужэ кутэм литература.
Анисимова. – Ижевск: Удмуртия, 2003.
