Муниципальное бюджетное дошкольное образовательное учреждение «Детский сад «Тубэчээнэ» с.Булус МО «Намский улус» РС(Я)
678397, РС(Я), Намский улдус, с.Булус, ул.Н.С.Охлопкова, д.2, телефон: 8(41162) 27-7-08
Утверждаю
Ст. воспитатель:______________/Слепцова М.П./
ТЕХНОЛОГИЧЕСКАЯ КАРТА
Воспитатель: Томская Эльвира Петровна
2021-2022 уч.гг.
Суот дьарыгын технологическай картата
Бөлөх: Оскуола иннинээҕи саастаах оҕолор.
Сыала: Оҕо өйүн-санаатын, толкуйдуур дьоҕурун сайыннарыы. Ааспыты салҕыы чиҥэтии.
Соруктара:
Үөрэтэр сорук | 1-10, 10-1 диэри ахсааны иҥнибэккэ ааҕалларын, нэдиэлэ күннэрин, уһуну кээмэйдиири, геометрическай фигуралары чопчу билэллэрин хатылааһын. |
Сайыннарар сорук | Истэр, толкуйдуур, көрөр, тэҥниир, саҥарар дьоҕурдарын сайыннарыы. |
Иитэр сорук | Билэ-көрө сатыыр дьоҕурдарын, биир сиргэ өр тулуйан олороллорун, дьарыкка хас биирдии оҕо көхтөөх кыттыыны ылалларын, суот дьарыгар интириэһи тардыы, иитии. |
Туттуллар тэрил: Интерактивнай дуоска, оҕо ахсаанынан олоппос, автобус уруула, музыка, А4 уруһуйдар, линейка, харандаас, тэтэрээк, ластик, кыһыл, саһархай, от күөх өҥнөөх төкүнүк фигуралар.
Дьарык хаамыыта.
Чаастара | Иитээччи дьарыга | Иитиллээччи дьарыга | Ыытыллар бириэмэтэ | Туттуллар тэрил |
Киирии чааһа | Үтүө күнүнэн оҕолоор! Бүгүн биһиги “Суот дьарыгын дойдутугар” күүлэйдии, араас сорудахтары толоро барыахпыт. Айаҥҥа барыахпыт иннинэ 1-10 диэри уонна 10-1 диэри ахсаан ааҕабыт. Маладьыастар оҕолор, билигин бары тэҥҥэ бу автобуска олоробут уонна “Суот дьарыгын дойдутугар” айанныыбыт. Оҕолоор, биһиги “Суот дьарыгын дойдутугар” кэллибит. Манна биһиэхэ араас сорудахтары бэлэмнээбиттэр, сорудах толорорго бэлэмҥит дуо? Маладьыастар! | Үтүө күнүнэн! Оҕолор 1-10 диэри уонна 10-1 диэри ахсаан ааҕаллар. Сорудах толорорго бэлэммит. | 3 мүнүүтэ. | Оҕо ахсаанынан олоппос, уруул. |
Сүрүн чааһа | 1 сорудах: мээчиктээх оонньуу “Ыйытыктарга эппиэттээ” Маладьыастар, 1 сорудаҕы бары сөпкө толордубут. 2 сорудах: “Задачалары суоттаа” 3 сорудах: “Уһуйаантан оскуолаҕа диэри суолу кээмэйдээһин” Оҕолоор, эһиги күһүн, Балаҕан ыйыгар ханна бараҕытый? Маладьыастар, эһиги лиискитигэр уһуйаан уонна оскуола уруһуйдаммыт, биһиги бу уруһуйга уһуйаан уонна оскуолаттан төһө ыраах турарын билээри тугу туттарбыт буолуой? Маладьыастар, билигин биһиги уһуйааммыт оскуолаттан төһө тэйиччи турарын билээри биһиги линейканан тэҥнээн көрүөхпүт. 4 сорудах: “Сынньалаҥ тохтобула” Оҕолор сылайбыккыт буолуо, кыратык сынньана таарыйа оонньуу оонньуохха, оонньуубут аата “Молекула-молекула” диэн. Мин эһиэхэ чыыһыла этэбин, эһиги мин эппит чыыһылабынан сааһыланан туруохтааххыт. 5 сорудах: “Кыра, улахан уонна тэҥ бэлиэ” Экраҥҥа үлэ. 6 сорудах: “Тэтэрээккэ үлэ” Билигин биһиги тэтэрээккэ үлэлиэхпит иннинэ тарбахха эрчиллии оҥоруохпут, бары тэҥҥэ миигин хатылаан. Харандааһынан ытыспытын, тарбахпытын, ытыспыт көхсүн массажтыыбыт. Маладьыастар, билигин тэтэрээккэ үлэбитин саҕалыыбыт. Олоппоско хайдах олоробутуй? Тэтэрээт хайдах сытыахтааҕый, харандааһы хайдах тутабытый? Маладьыастар! Тэтэрээккэ уруһуйдаммыты ситэрэн салҕаан биэрэбит. Тэтэрээккэ ыраастык, күүскэ баттаабакка суруйарбытын умнубаппыт. Маладьыастар! | Оҕолор мээчик хаба-хаба ыйытыкка эппиэттээн баран иитээччигэ мээчиги төптөрү биэрэллэр. Оҕолор болҕомтолоохтук өйгө задачалары суоттууллар. Уонна геометрическай фигуралары хатылыыллар. Өҥнөрүн этэллэр. Оскуолаҕа барабыт. Оҕолор эппиэттэрэ. Линейка. Оҕолор уһуйаан оскуолаттан төһө тэйиччи сытарын билээри линейканнан кээмэйдииллэр уонна хас сантиметр тэйиччи уруһуйдаммытын этэллэр. Оҕолор болҕойон истэн этиллибит чыыһыланан сааһыланан тураллар. Көхтөөхтүк кыттыы. Экраҥҥа үлэ, толкуйдаан баран бэлиэ хайдах турарын этэллэр. Тарбахха эрчиллиилэри оҥоруу, тэтэрээккэ ыраастык үлэлиири ситиһии. Оҕолор эппиэттэрэ. | 25 мүнүүтэ | Мээчик. Экраҥҥа хартыыҥкалар. Линейка, харандаас, А4-га оскуола уонна уһуйаан уруһуйа. Экраҥҥа анал хартыыҥкалар. Харандаас, тэтэрээт. |
Түмүк чааһа | Оҕолор маладьыастар, бүгүҥҥү дьарыкка олус көхтөөхтүк кытынныгыт. Билигин төптөрү автобуспутунан айанныыбыт. Маладьыастар оҕолор, билигин оонньуу ооньуохпут, эһиги иннигитигэр 3 араас өҥнөөх төкүнүктэр бааллар, ханнык өҥнөр баалларый? Маладьыастар оҕолор. Бүгүҥҥү дьарыгы сөбүлээтигит дуо? Саамай сөбүлээбит сорудаххыт ханнык этэй оҕолор? Аныгыс дьарыкка көрсүөххэ диэри. | Оҕолор автобуска баран олороллор. Оҕолор эппиэттэрэ. Оҕолор иитээччини истэн баран төкүнүктэргэ бараллар. Оҕолор эппиэттэрэ. Көрсүөххэ диэри. | 2-3 мүнүүтэ. | Кыһыл, саһархай, от күөх өҥнөөх төкүнүк кумаахылар. |