К.Иванова пĕлетĕр-и? (викторина ыйтăвĕсем)
1. К.В.Иванов хăçан тата ăçта çуралнă?
2. Çак йĕркесем мĕнле сăвăран, ăна кама халалланă?
Ырă чăваш тупăнчĕ
Ырă ĕçе тытăнчĕ.
Чăн чăвашла сăмахпа
Хăй тăванне, чăваша,
Пырса çапрĕ чĕрине
Пăлхатса ячĕ чĕрине.
3. 1907 çулхи март уйăхĕнче Константин Иванов мĕншĕн тăван ялне таврăннă?
4. «Нарспи» поэмăра миçе сăнар? Камсем вĕсем?
5. «Нарспи» поэмăн тĕп шухăшне автор сăмахĕсемпе çирĕплетĕр.
6. К.В.Иванов хăйĕн хайлавĕсене мĕнле виçепе çырнă?
7. «Нарспи» поэмара тĕл пулакан çак сăмахсене: шÿлкеме, тевет, тухъя, ăса, хултăрчă, çÿпçе, хуралтă, çинçе, пил сăмахсене ăнлантарăр.
8. К.Ивановăн «Тимĕр тылăра» çамрăк кине усал-тĕселтен мĕн сыхлать?
9. «Нарспи» поэма пĕрремĕш хут хăçан тата ăçта пичетленсе тухнă?
10. Сетнерĕн тутисем мĕнле?
11. Сиплет тулта Михетер ….. пĕчченех.
12. Миçе юланут Нарспипе Сетнере йĕрлет?
13. Шупашкарта К.В.Иванов ячĕллĕ мĕнле вырăнсемпе палăксем пур.
14. К.Ивановăн «Тимĕр тылă» балладинче чăвашсен мĕнле тыллисем пирки каланă?
15.Нарспи ĕçченлĕхне сăнлакан йĕркесене илсе парăр.
