Муниципальное бюджетное дошкольное образовательное учреждение «Детский сад «Тубэчээнэ» с.Булус МО «Намский улус» РС(Я)
678397, РС(Я), Намский улдус, с.Булус, ул.Н.С.Охлопкова, д.2, телефон: 8(41162) 27-7-07
Утверждаю
Ст. воспитатель:______________/Слепцова М.П./
ТЕХНОЛОГИЧЕСКАЯ КАРТА
Воспитатель: Константинова Виктория Викторовна
2019-20 үө.дь.
Технологическай карта
Темата: Тылтан “ҮӨ” дьуптуону арааран истии. Дьуптуон бэлиэтин билсии.
Сыала: Оҕолору тылтан “үө” дьуптуону арааран истии. Дьуптуон бэлиэтин билсии.
Соруктара:
Үөрэтэр сорук | “ҮӨ” дьуптуону, фишканнан үлэни, тыл дорҕоонун ырытары салҕыы үөрэтии. |
Сайыннарар сорук | Саҥарар уорганнары, тыл, айах былчыннарын сайыннарыы. |
Иитэр сорук | Бэйэ-бэйэҕэ истиҥ сыһыаны иитии, дьарыкка интириэһи тардыы. |
Туттуллар тэрил: дорҕоон карточката, үөн ойуута, фишкалар.
Дьарык хаамыыта.
Чаастара | Иитээччи дьарыга | Иитиллээччи дьарыга | Ыытыллар бириэмэтэ |
Киирии чааһа | Үтүө күнүнэн оҕолор! Бүгүн биһиэхэ тылы сайыннарыы дьарыга буолуоҕа, дьарыкпытын саҕалыахпыт иннинэ саҥарар уорганнарбытыгар эрчиллиилэри оҥоруохпут. Ханнык саҥарар уорганнар баалларый оҕолор биһиэхэ? Маладьыастар, билигин биһиги саҥарар уорганнарбытын сайыннараары эрчиллиилэрбитин оҥоробут, бары тэҥҥэ оҥоруоххайыҥ, бары экраны болҕойон көрөбүт. | Үтүө күнүнэн! Оҕолор эппиэттэрэ. | 3 мүнүүтэ |
Сүрүн чааһа | Оҕолоор, билигин биһиги оонньуу оонньуохпут, оонньуубут аата “Тыллары хатылаа” диэн буолар. Бу оонньууга субуруччу 5 тыл этэбин, ким көтүппэккэ, барытын сөпкө эппит ол кыайыылаах буолуо. Онон оҕолоор, бары болҕойон, чуумпуран истиэҕиҥ. Тыл, тыал, тыас, күөл, муус. От, мас, хаар, түү, кыыс. Оҕолор маладьыастар! Оҕолоор, дьуптуоммут фишката хайдах этэй? Ким этэрий миэхэ? Маладьыастар! Көрүҥ эрэ, бу миэхэ илиибэр туох баарый оҕолор? Бу карточкалары эһиэхэ барыгытыгар түҥэтэлиибин, эһиги болҕойон истэҕит, мин эһиэхэ тыллары этэбин, эһиги болҕойон истэҕит уонна “ҮӨ” дьуптуон тыл иннигэр дуу, ортотугар дуу, кэннигэр ду турарын болҕойон истэн бараҥҥыт таблицаҕа туруорун. (үөн, күрүө, түөрт, үөт, күөл). Оҕолоор, мин эһиэхэ билигин тэттик хоһоон ааҕан иһитиннэриэм, эһиги хоһоон тылын чуолкайдык хатылаһаҕыт уонна “ҮӨ” дьуптуон ханнык тылга иһиллэрин истэҥҥит миэхэ этэҕит. Үлэни-үөрэҕи дьүөрэлээн Түөркэ-биэскэ үөрэнэр, Үүнэр көлүөнэ ыччата Инники күөҥҥэ сылдьааччы, Үчүгэй үөрэнээччи Бүөккэ Төрдүс кылааһы бүтэрдэ. Оҕолоор, бу тугуй? (үөн ойуутун көрдөрөбүн). Маладьыастар, оҕолоор биһиги тыл хас сүһүөхтээҕин хайдах билэбитий? Маладьыастар, “Үөн” диэн тылы сүһүөхтүөххэйиҥ эрэ, хас сүһүөхтээх эбитий? Маладьыастар, оҕолоор, бу туохтарый? Маладьыастар, фишкаларынан биһиги тугу гынабытый? Оҕолор маладьыастар, билигин биһиги “ҮӨН” уонна “ҮӨТ” диэн тыллары дорҕооннорунан ырытан фишканан суруйуохпут. | Быраабыланы тутуһан болҕойон истэллэр уонна тыллары этэллэр. Оҕолор эппиэттэрэ. Оҕолор сорудаҕы толороллор, ыарарҕаттахтарын иитээччи көмөлөһөр. Оҕолор болҕойон, чуумпуран истэллэр уонна хоһоону хатылаһаллар, ханнык тылларга “ҮӨ” дьуптуон иһиллэрин этэллэр. Оҕолор эппиэттэрэ. Оҕолор эппиэттэрэ. Оҕолор ытыстарыгар таһынан “Үөн” диэн тыл хас сүһүөхтээҕин билэллэр уонна этэллэр. Бу фишкалар. Оҕолор эппиэттэрэ. | 20 мүнүүтэ |
Түмүк чааһа | Оҕолор маладьыастар, бүгүҥҥү дьарыкка олус көхтөөхтүк кытынныгыт, маладьыастар! Бүгүҥҥү дьарыкка тугу гынныбыт оҕолор? Дьарыкка саамай тугу гыммыккытын сөбүлээтигит? Маладьыастар, аныгыс дьарыкка көрсүөххэ диэри! | Оҕолор эппиэттэрэ. Көрсүөххэ диэри. | 2 мүнүүтэ. |