Муниципальное бюджетное дошкольное образовательное учреждение «Детский сад «Тубэчээнэ» с.Булус МО «Намский улус» РС(Я)
678397, РС(Я), Намский улус, с.Булус, ул.Н.С.Охлопкова, д.2, телефон: 8(41162) 27-7-08
Бигэргэтэбин:
“Түбэчээнэ” уһуйаан
Сэбиэдиссэйэ: Лукина А.М.___________
Аҕа иитээччи: Слепцова М.П___________
“Улахан бөлөх саҥа дьыллааҕы” аралдьыйыытын сценарийа
Иитээччи: Константинова В.В.
2021 – 2022 үө.с.
Улахан бөлөх саҥа дьыллааҕы аралдьыйыытын сценарийа
Буолар күнэ: Ахсынньы 29 күнэ.
Оруолларга:
Константинова Виктория Викторовна – Фея
Лукавина Прасковья Дмитриевна – Фея
Пестрякова Надежда Афанасьевна – Бык
Пестрякова Наталья Иосифовна – Яга-Баба
Оскуола иннинээҥҥи саастаах оҕолор:
Улахан бөлөх оҕолоро:
Орто бөлөх:
Сыала: Оҕоҕо саҥа дьыллааҕы настырыанньаны үөскэтии, дуоһуйууну ыларын ситиһии.
Сорукатара:
Үөрэтэр | Үөрэ-көтө сылдьары ситиһии, дьон иннигэр кыбыстыбакка ыллыырга, хоһоон ааҕарга, үҥкүүлүүргэ үөрэтии. |
Иитэр | Бэйэ-бэйэҕэ истиҥник харыстабыллаахтык сыһыаннаһарга салгыы иитии. |
Сайыннарар | Чуолкайдык, дорҕоонноохтук хоһоону этэллэрин ситиһии, ыллыыр, үҥкүүлүүр дьоҕуру сайыннарыы. |
Туттуллар тэрил:
1 улахан искусственнай харыйа, харыйа оонньуурдара, мишура, дождик, 3 удлинитель, 4 гирлянда, музыкальнай аппаратура, оҕолорго олоппос.
Аралдьыйыы хаамыыта.
Группа бырааһынньыктыы киэргэтиллибит. Саҥа дьыллааҕы фоновай музыка тыаһыыр.
Саҥа дьыл
Саҥа сыл
Харыйа симэннэ,
Харыйа киэргэннэ...
Бу хоско мустаммыт
Биһиги үөрэммит,
Ыллыыбыт ырыаны,
Ааҕабыт хоһоону...
Залга мустубуттарын кэннэ курант тыаһа тыаһыыр.
Фоновай музыка салгыы барар.
Ыытааччылар киирэллэр.
КВВ: Үтүө киэһээннэн, күндү оҕолор, убаастабыллаах төрөппүттэр, мааны ыалдьыттар! Эһигини барыгытын кэлэн иһэр Саҥа Дьыл бырааһынньыгынан итиитик-истиҥник эҕэрдэлиибит!
ЛПД: Баҕарабыт бу үүнэр сыл хас биирдии дьиэ кэргэҥҥэ доруобуйаны, дьолу, үөрүүнү аҕаллын.
Детсад аанын арыйан
Саҥа дьылбыт кэллэ.
Сандаар уоттаах харыйа
Күлүмүрдүү түстэ!
КВВ: Күндү көрөөччүлэри, ыалдьыттары, оҕолору “Мультик алыптаах дойдутугар” ыҥырабыт.
Музыка тыаһыыр, Дьыга-Бааба киирэр.
Дьыга-Бааба: Үтүө күнүнэн! Бу уһуйааҥҥа эмиэ саҥа дьыл бырааһынньыга буолуохтаах этэ дуо? Тымныы оҕонньор бүгүн кэлбэт, мин тымныы оҕонньор бэргэһэтин, үтүлүктэрин, торуоскатын биэрбэппин, кистээбитим! Кини миэхэ кэһии биэрбэт үһү. Һа-һа-һаааа.... (күлэн баран тахсан барар).
КВВ: оҕолоор, Дьыга-Бааба тымныы оҕонньорбут үтүлүктэрин, бэргэһээтин, торуоскатын эрэ ыллахпытына саҥа дьылбытыгар Тымныы оҕонньор кэлэр, Дьыга-Бааба мультик дойдуларынан сылдьар диэбиттэрэ, мультик дойдуларыгар баран тымныы оҕонньор үтүлүгүн, бэргэһэтин, торуоскатын кистээбит буолуон сөп. Тымныы оҕонньор биһиги уһуйааммытыгар кэлэрин баҕарабыт дуо? Оччоҕо Тымныы оҕонньорго көмөлөһүөххэйиҥ!
КВВ: мин бу аптаах палочкабынан “Аабырака-даабырака миэхэ көмөлөс... Биһигини мультик дойдутугар тиэрт...”
(Сюрпризнай музыка тыаһыыр, феялар иккиэн эргийэ эргийэ харыйа кэннигэр бараллар).
(Фиксики мультик музыката тыаһыыр).
КВВ: Үтүө күнүнэн, бу биһиги ханнык мультик дойдутугар тиийэн кэллибитий?
Мася: Эһиги фиксики мультик дойдутугар кэллигит.
КВВ: Олус да кэрэлэргит! Биһиги тымныы оҕонньор бэргэһэтин, үтүлүктэрин, торуоскатын көрдүү сылдьабыт, эһиэхэ баара буолаарай?
Симка: Биһиги эһиэхэ көннөрү биэрбэппит, эһиги биһиэхэ сорудах толордоххутуна бириэхпит.
КВВ: биһиги тымныы оҕонньор кэлэрин олус баҕарабыт, ол иһин сорудаххытын үөрэ-көтө толоробут.
Нолик: Биһиги “Саҥа хаар” диэн ырыа үөрэтэ сылдьабыт, ол ырыабытыгар эһиги үҥкүүлүүргүтүгэр сорудах биэрэбит.
КВВ: Биһиги доҕорбун кытта үҥкүүлүүрбүтүн олус диэн таптыыбыт, үҥкүүлэһэн бөҕө буоллаҕа дии.
ЛПД: Олус да үчүгэй ырыаны үөрэтэ сылдьар эбиккит дии, маладьыастар!
Нолик: Баһыыбаларын, биһиги сорудахпытын толорбуккут иһин биһиги тымныы оҕонньор бэргэһээтин эһиэхэ туттарабыт!
(Фиксики ырыата тыаһыыр, тахсан бараллар).
ЛПД: “Аабырака-даабырака миэхэ көмөлөс... Биһигини атын мультик дойдутугар тиэрт...”
(Сюрпризнай музыка тыаһыыр, феялар иккиэн эргийэ эргийэ харыйа кэннигэр бараллар).
(“Винни пух” мультик музыката тыаһыыр)
КВВ: Олус да кэрэ мультик дойдутугар кэлбиппиит, эчи кэрэлэриин, бу ханнык мультик дойдутугар биһиги тиийэ кэллибитий?
Винни пух: Үтүө күнүнэн Феялар, эһиги Винни пух мультик дойдутугар кэллигит.
ЛПД: Эчии, кэрэлэргитин, ол гынан биһиги наадаҕа сылдьабыт доҕоттор, биһиги тымныы оҕонньор үтүлүктэрин, торуоскатын көрдүү сылдьабыт, эһиэхэ баара буолаарай?
КВВ: Фиксики мультик дойдутуттан тымныы оҕонньор бэргэһэтин булан үөрэн-көтөн сылдьабыт, бу аптаах палочкабыт эһиги Винни пух мультигын дойдутугар бу биһигини аҕалла.
Пятачок: Биһиэхэ тымныы оҕонньор үтүлүктэрэ бааллар, ол эрэн эһиги биһиэхэ сорудах толордоххутуна биэрэбит дии доҕоттор?
Бары: оннук!
Пятачок: эһиги биһиэхэ бу сытар туттуллар материалтан олус кыраһыабай хаар киһитэ оҥордоххутуна, биһиги эһиэхэ тымныы оҕонньор үтүлүктэрин биэриэхпит.
(Винни пух мультик геройдара ырыа ыллыыллар. “Маҥнайгы хаарынан эҕэрдэ” ырыа).
ЛПД: Олус үчүгэй ырыаҕа уйдаран эһиэхэ биһиги Баатаннан хаар киһи оҥордубут!
Пятачок: Баһыыбаларын! Тымныы оҕонньор үтүлүктэрин эһиэхэ биэрэбит!
Бары: Көрсүөххэ диэри!
КВВ: Көрсүөххэ диэри доҕоттор! Эһиэхэ улахан махтал!
КВВ: “Аабырака-даабырака биһиэхэ көмөлөс... Биһигини атын мультик дойдутугар тиэрт...”
(Оҕус уонна саҥа дьыл хомойон киирэллэр)
ЛПД: Хайа бу кимнээҕий? тоҕо хомойон сылдьаҕытый?
Оҕус: мин бу ааһан эрэр 2021 сыл бэлиэтэ Оҕус диэн буолабын.
Саҥа дьыл: Мин саҥа дьылбын. Эһээбин Тымныы оҕонньору булумаары гынныбыт. Бу торуоската эрэ баар.
Оҕус: Куһаҕан санаалаах Дьыга-Бааба тымныы оҕонньор бэргэһэтин уонна үтүлүгүн кистээбит, ону көрдөөн булумаары гынныбыт.
КВВ: Оҕусчаан уонна саҥа дьыл, эһиги хомойуман, биһиги аптаах палочкабытынан араас мультик дойдуларыттан тымныы оҕонньор үтүлүктэрин уонна бэргэһгэтин булбуппут.
(феялар, оҕус, саҥа дьыл үөрэллэр).
Үҥкүүлүүллэр.
ЛПД: Тымныы оҕонньорго аптаах палочкабыт көмөтүнэн бэргэһэтин, үтүлүктэрин, торуоскатын ыытыахпыт. “Аабырака-даабырака биһиэхэ көмөлөс. Тымныы оҕонньорго бэргэһэтин, үтүлүктэрин, торуоскатын тиэрдэргэ көмөлөс!”
(Сюрпризнай музыка тыаһыыр, феялар иккиэн тымныы оҕонньор таҥаһын киэргэтиллибит дьааһыкка угалар, харыйа аттыгар уураллар).
КВВ: чэйиҥ эрэ оҕолоор, уонна бары манна саалаҕа тураммыт тымныы оҕонньорбутун ыҥырыаххайыҥ!
БАРЫ: Тымныы оҕонньор, тымныы оҕонньор, тымныы оҕонньор!
(Сыарҕа тыаһыыр, аан тоҥсуйар тыас иһиллэр)
(Тымныы оҕонньор киирэр)
Тымныы оҕонньор: Үтүө киэһээннэн оҕолоор! Бүгүн мин ыраах дойдуттан эһиэхэ Түбэ нэһилиэгин “Түбэчээнэ” уһуйааныгар эһиги ырыаҕытын, хоһооҥҥутун истэ, көрө сиэн кыыспын Хаарчаананы кытта кэллим!
Хаарчаана: Үтүө киэһээннэн оҕолоор!
Тымныы оҕонньор: Оҕолоор, миигин кытта бары бииргэ харыйа тула хороводка тураргытыгар ыҥырабын.
Тымныы оҕонньор: Оҕолоор, маладьыастар, миигин кытта олус бэккэ хороводтаатыгыт! Аны билигин миэхэ бэлэмнээбит хоһоонноргутун этиҥ, ырыаларгытын ыллаан, биһиги олороорон эһиги ырыаҕытын уонна хоһооҥҥутун истиэхпит, сэргиэхпит!
Тымныы оҕоҕнньор: Оҕолорум маладьыастар, элбэх да хоһоону, ырыаны үөрэппиккит! Мин эһиэхэ саҥа дьылынан бэрээдэктээхтик, элбэхтэ уһуйааҥҥа сылдьыбыккыт иһин бэлэхтэрбин туттарабын.
Тымныы оҕонньор: Билигин мин эһиэхэ бэлэхтэрбин биэриэм, биир биир ааккытын истэн тахсан ылаарын!
Тымныы оҕонньор: Биһиги барар бириэмэбит тиийэн кэллэ, эһиэхэ бу кэлэн иһэр саҥа сылга үөрүүнү-көтүүнү баҕарабыт, хаһан да ыалдьыман, уһуйааны көтүтүмэн, күрэхтэргэ ситиһиилээхтик кыттын, төрөппүттэргитигэр туһа дьоно буола улаатын! Улахан дьоҥҥо куруук көмөлөһө сылдьын!
Хаарчаана: Өссө элбэххэ үөрэнэҥҥит, бэрээдэктээхтик сылдьаҥҥыт туһа дьоно буола улаатын.
Тымныы эһээлиин уонна хаарчааналыын хаартыскаҕа түһүү.
Тымныы оҕонньор, Хаарчаана: Дьэ, үчүгэй да оҕолорго ыалдьыттаатым. Көрсүөххэ диэри.
Тахсан бараллар.
КВВ: Оҕолоор, тымныы оҕонньорбут сиэнэ кыыһынаан аны атын уһуйааннарга айаннаатылар, бары бэлэх ылан үөрдүгүт дуо?
Билигин тылы биэрэбит “Түбэчээнэ” уһуйаан сэбиэдиссэйин солбуйааччытыгар Матрена Павловна Слепцоваҕа.
ЛПД: Манан биһиги саҥа дьыллааҕы аралдьыйыыбыт түмүктэнэр! Аныгыс көрсүөххэ диэри!
