Муниципальное бюджетное общеобразовательное учреждение средняя общеобразовательная школа с. Ямады муниципального района Янаульский район Республики Башкортостан.
Урок по рассказу Григория Даниловича Данилова
«Эктытись кутъёс»
Урок разработала учитель
удмуртского языка и литературы
МБОУ СОШ с. Ямады
Нурисламова А.В.
План урока:
- Тема урока: рассказ Григория Даниловича Данилова «Эктытись кутъёс».
- Класс: 5
- Цели урока:
1. Обучающаяся: ознакомить учащихся с биографией Г.Д. Данилова и рассказом «Эктытись кутъёс»
2. Развивающая: развивать у учащихся умение формулировать и высказывать собственное мнение, активизация творческих способностей учащихся, развитие умений выразительного чтения и анализа текста, расширять словарный запас.
3. Воспитательная: создать обстановку, способствующую воспитанию чувства патриотизма, воспитание любви к литературе.
- Тип урока: ознакомление с новым материалом.
- Структура урока:
I. Организация начала урока.
II. Основная часть. Изучение нового материала.
III. Закрепление полученных знаний.
IV. Подведение итогов урока.
V. Информация о домашнем задании.
Пуктэм ужпумъёс:
1.Г.Д.Даниловлэн биографиеныз но «Эктытись кутъёс» веросэныз тодматсконо;
2.Кылэз узырмытон бордын ужано; аслэсьтыд малпандэ шара вераны быгатон,текстлы анализ лэсьтыны быгатонзэс эскерон;
3.Ог-огед понна сюлмаськон мылкыд пычатоно; удмурт литератураез яратон мылкыд пычатоно.
Уроке кутэм материал:
-писательлэн портретэз; книгаосыз; презентация.
Уроклэн радъяськемез.
I.Организационной момент.
1.Шулдыр нуналэн,пиос!
Шулдыр нуналэн, нылъёс.
Зечбуресь гажано куноос, зечбуресь, пиналъёс. Урокын ужаны ти дасесь-а?(Дасесь).
Ог-огмы шоры учком, ог-огмылы пальпотом, капчи мылкыд тилалом. Туннэ урокмы аспортэмлыкогес луоз. Тодматском Г.Д. Даниловлэн улон сюресэныз. Эскером «Эктытись кутъёс» вероссэ, тодматскоме вашкала арбериосын, кут кутан арбериосын. Дышетскоме чебер но вольыт лыдзыны, кышкатэк чебер вераськыны.
Уроклы таче эпиграф басьтом :Вань калыкен каргам война
Лушказ самой шудон дырмес. (Г.Данилов).
Кызьы та чуръёсыз урокмылэн пуштросэныз герзалом, вералоды берло.
II. Выль темаен тодматскон.
Али усьтом книгадэс. Тетрадяды гожтэ числоез но темаез.
Григорий Данилович Данилов вордиськиз Можга ёросысь Вильгуртын. Дышетскиз Можга педучилищеын, собере Ижысь пединститутын. Берло ужаз Можга педучилищеын. Гожясьчи вань улонзэ сизиз нылпиослы. Со туж умой шодыны быгатиз вань мылкыдъёссэс, улонысьтыз воштиськонъёссэс. Пиналъёслы сизьыса ик со гожтиз портэм произведениоссэ: «Паньтэм», «Сизьым дасмос», «Пинал мылкыд-юмал йолпыд», «Эктытись кутъёс».Та веросэз сиземын война вакытысь нылпиослы. Озьыен, со асьмеды вуттоз кошкемыт война аръёсы. Куд-ог удмурт писательёсмы сямен кияз пычалэн но пероен ожмаськыны оз кылды ке но. Григорий Данилов ас вылаз шодиз со аръёслэсь вань секытсэс.
Учке али пиналъёс Г.Даниловлы коня арес вылэм война кутскыку? ( 6 арес) Война котькинэ но ужатэм, пичизэ но бадзымзэ но.
Пичи дырыз сярысь со гожтэ «Озьы вал» кылбураз.
Со зэмзэ но, озьы вылэм. Пичи Гришалэсь война дыръя сюлмысь ужамзэ 1947-ти арын «За доблестный труд в ВОВ 1941-1945» медален пусйизы. Гуртысь награда басьтэмъёс полын со самой пиналэз вылэм.
«Эктытись кутъёс» веросэн тодматскон.
Тиляд, пиналъёс, кутъёс сярысь мар ке кылэмды вань-а?
Мар со сыче кут? (Пыдкутчан)
Пиналъёс, тани со кут.
Тае шуо кутъёс. Сое тиляд кутчаса ветлэмды вань-а?
Ку сое кутчаллям?
Кызьы шуо меда тае зуч сямен?
Бигер сямен? ( Пиналъёс верало).
Озьыен, удмуртъёс кут-шуиллям, зучъёс- лапти, бигеръёс-сабата.
Нош али веросэз лыдзыны кутскоме (дышетись лыдзе. Собере пичи люкетсэ инсценировать каро) Молодцы! Пуксе, туж умой.
1.Пиналъёс, пияшлэн сюлмыз шуг луиз-а?
2. Табере пияш мар меда кароз анайзэ жаляса?
3.Ти мар карысалды?
( Со Микаля агай доры мыноз, дышетскоз кут кутаны, анаезлы кут кутаса сётоз. Ачиз кут кутаны дышетскоз).
Шонер, пиналъёс! Туж шонер малпаськиськоды.
Табере учком суред шоры.
1Кинъёсыз адзиськоды суред вылысь?
2.Кытын пуке Микаля агай?
3.Ма сярысь меда соос верасько?
Тодэмды потэ-а?
Ойдо азьланьтоме лыдзонмес.
Микаля агайлэсь но пияшлэсь вераськемзэс рольёсъя лыдзомы. Ринат но Эрик лыдзозы.
1.Кызьы вераське Микаля агай пияшен?
2.Кызьы пияш ассэ возе? (юн возе, со уг кышка).
3.Кыче сямъёсыз усьтиське татын? (вераськись)
4.Мар вераны луоз Микаля агай сярысь? Кыче адями со? (Урод, со нокинэ но уг жаля. Тодэ ук война вакыт ваньмыз сютэм уло шуыса, нош со ас понназ гинэ сюлмаське. Пияшез азбарысьтыз улля). Со сук сямо, солы ваньмыз жаль потэ.
5. Соглаш луиз-а со пияшлы юрттыны? Мар шуиз?
6. Табере мар меда кароз пияш?
7.Солы асьмеос юрттыны быгатомы-а?
8. Нош тиляд кут кутамез адземды вань-а?
Физкультминутка.
Асьмеос табере кут кутан арбериосын тодматскоме. Пияшлы кут кутаны юрттоме.
Пиналъёс, та мар? (Беризьлэн сулэз).
Ку сое вайиллям? (Толалтэ, тулыс)
Та бен марлы кулэ?
Талэсь кут кутаны луэ-а? (Уг).
Со понна бен ма кароно?
Кызьы сое талэсь уськытоно? Кыче инструмент кулэ? Выл кузэ кесям понна кулэ сиктан. Кесям нинлэсь вылысьтыз курзэ воло вылэм пуртэн. Одиг кутлы кулэ вылэм сизьым яке укмыс шильы. Шильы дась луэм бере сое борзало но кутало ни. Собере отчы поно кут каб. Асьмеоос но кут кутаны дышетскоме.
Озьыен, пиналъёс, асьмеос кыче выль кылъёсын тодматскимы?( беризь сул, шильы, сиктан, борзаны, кут каб)
Кызьы меда шуо та кылъёсты зуч сямен?( слайдысь кылъёсты тетрадязы гожто).
Беризь-сул-нин-кора липы.
Шильы-лыко-внутренняя часть коры.
Сиктан-кочедык, лапотное шило.
Кут каб-колодка.
Борзаны-начало плетения.
Пиналъёс, кызьы малпаськоды секыт-а кут кутанэз?
Быдзым Пётр котьма лэсьтыны быгатэ вылэм, кут лэсьтыны быгатымтэ. Талэсь номыр но секытэз овол, дыр, шуэм. Али нош лыдзонэз азьланьтоме. Кин лыдзоз? ( амал шедьти ведь….. кут борзанлэсь радзэ валаны кутски кадь)
1.Пиналъёс, пияш кыче амал шедьтиз?
2.Коня нунал ветлиз пияш Микаля агай доры?
3.Кыти учке вал со?
(Лыдзонэз азьланьтоме)
Кудды лыдзоды?
(Огпол ужысь…… нош но нош сураськисько)
Азьлантоме лыдзонмес.
(Микаля агай доры мыныса… изьыны гинэ доре вуылэ)
1.Пияш дышиз-а кут кутаны?
2. Кыче чуръёсысь адзиськом пияш дышиз шуыса? (шильыос асьсэос сюрес шедьто)
3. Малы пияш лушкем гинэ кутсэ кутаз?
4. Табере верослэн кыче интыяз вуим? (Лэчыт интыяз) (Кульминационной)
5. Мар меда со лэсьтиз?
Ойдо лыдзоме..
(Сценка возьмато)
1.Пиналъёс, та кут анайзэ ма карытиз? (Шумпоттиз, воргорон шуиз пизэ, эктытиз) Шонер, эктытиз. Солэн пыдъёсыз оз чидалэ ни эктытэк. Асьмеос тодиськомы «Ачиз ветлись кут» выжыкылэз. Та выжыкыл ке но овол, кутэз эктытэ.
1. Ку со кут эктытэ? (Выль кут кутчакуз, шумпотыкуз)
2. Нош куректыкуз эктоз-а? (Уз)
Табере веросмес лыдзыса быдтимы. Иське Г.Д.Данилов «Эктытись кутъес» шуыса шонер-а вераз? (Шонер)
1.Кельшиз-а та верос?
2.Мар сэлэмдэс вырзытиз текстын? (Куке пияш анаезлы кутсэ сётэ…)
3.Ма понна героез гажаськом? (Ачиз дышетскиз, тыршиз, уг быгатиськы шуыса берен оз кушты, со анаезлы юрттэ, тыршеменыз, сюлмаськеменыз, ог-огедлы юрттыны тыршеменыз, со чида, кутскем ужзэ уг палэнты)
4.Кин понна со озьы тыршиз? Сюлмаськиз?
5.Малы та верос «Эктытись кутъёс» нимаське? (Анаез эктиз, анаез шумпотыса эктиз, пиез ачиз лэсьтэ кут)
6.Нош асьмеос быгатомы-а зеч уж лэсьтыны?
Озьыен пиналъёс, мынам но тиледлы сиземе потэ, тиледлы котьку на тау мед шуозы.
Ужъёсты котьку но умой мед луоз, быгатэмедъя ог-огедлы юрттоно.
Уроклы йылпумъян.
Дышетись. Кыче вылэм пиналъёслэн улонзы война дыръя? Малы? Вералэ, эпиграфен герзаса. (Война вакытэ воргоронъёс кошкизы, соос интые кылизы пересьёс, кышномуртъёс, пичиос. Пиналъёс пичиысен секыт ужез лэсьтоно луизы. Соослэсь шудон дырзэс талаз война) Молодцы, пиналъёс, туж бадзым тау. Ваньдылы но туннэ «5» пуктисько.
Гуртэ уж. «Ку кутъёс эктыто?» сочинение-миниатюра гожтоно.
